Liria e ka mposhtur 1:0 Prishtinën. Liria është treguar më e fortë se Prishtina në xhiron e 14’të të Superligës së Kosovës në Futboll, duke rrëmbyer tri pikë shumë të rëndësishme, shkruan Gazeta Express.
Skuadra prizrenase fitoi në shtëpi me rezultat minimal 1:0, me golin e Artur Magani, që e shënoi në minutën e 74’.
Pas kësaj fitore, Liria ka shkuar në kuotën e 22 pikëve dhe renditet në pozitën e katërt, ndërsa Prishtina mbetet në pozitën e dytë me 25 pikë.
Në ndeshjet tjera, Vllaznia Pozheranit humbi 1:2 në shtëpi ndaj Vellaznimit, ndërsa Flamurtari dhe Drita ndanë pikët duke barazuar 1:1. (b.an)
