• Kontakt
  • Kreu
  • Rreth Nesh
Thursday, November 12, 2026
  • Login
Javanews
  • Politikë
  • Kronikë
  • Ekonomi
  • Bota
  • Sport
  • Kulturë
  • Opinion
  • Tendencë
  • Të tjera
    • Media në Tranzicion
    • Kosova
    • Editorial
    • Kuriozitete
    • Teknologji
    • Sociale
    • Horoskopi
    • Dossier
    • Shëndetesi
No Result
View All Result
Javanews
Home Kryesoret

Liria jonë për të zgjedhur dhe për t’u zgjedhur, është e barabartë me tënden Lul!

by Flogert Muça
05/05/2017 14:25
Shperndaj ne FacebookShperndaj ne Twitter

Nga Flogert Muça/

7 Maji është data zyrtare kur do të ballafaqohen e drejta e votës si e drejtë themelore e qytetarëve në demokraci, me kërcënimet e Partisë Demokratike për prishjen e zgjedhjeve. Në Kavajë kemi dy kandidatë për kryebashkiak, ku njëri vjen nga radhët e PS-së ndërsa tjetri është i pavarur. Partia Demokratike, nga ana tjetër, nuk ka pranuar të fusë kandidat në garë, një e drejtë tërësisht legjitime e saja për të cilën askush nuk mund dhe nuk duhet ta gjykojë, sepse strategjia e një partie nuk mund të jetë domosdoshmërisht, në çdo rast, e zakonshme.

Por kërcënimet e PD-së për moslejimin e zhvillimit të një procesi të rregullt votimi janë një hap i cili tejkalon normalen dhe shkelin me të dyja këmbët Kushtetutën. Kësisoj, Kavaja të dielën do të jetë, ndoshta, tabloja e asaj që do të ndodhë më tej me zgjedhjet e 18 qershorit, nëse, në këto ditë, nuk do të kemi një zgjidhje të ngërçit politik.

Sipas deklaratave zyrtare të bëra nga eksponentë të PD-së, duke filluar nga Basha e duke vazhduar me radhë, në Kavajë në 7 Maj nuk do të ketë zgjedhje. Madje, aleati i Bashës Kreshnik Spahiu, ka propozuar radikalizimin e protestës duke shkuar përtej një proteste paqësore, pra duke përdorur mjete të jashtëligjshme.

Por si qëndron PD-ja dhe kauza që ajo trumbeton (zgjedhjet e lira) prej më shumë se dy muajsh në çadër, përballë 7 majit si dita ku Kushtetuta i jep çdo qytetari të drejtën për tu zgjedhur dhe për të zgjedhur?

E gjitha është në fakt një situatë absurde, e cila nxjerr lakuriq edhe PD-në e cila me duart e saja i heq kauzën vetes (ose zbulon se, në fakt, nuk e ka patur asnjëherë seriozisht çështjen e zgjedhjeve të pastra). Të kërkojë zgjedhje të lira e të ndershme është gjëja më normale në botë për një opozitë. Edhe protesta si mjet demokratik për të kërkuar këtë të drejtë është gjëja më normale për një opozitë. Por absurdi dhe paradoksi lind kur, pikërisht në ditën që zhvillohen zgjedhjet, opozita e cila me dëshirë nuk ka hyrë fare në zgjedhje, tenton të privojë nga e drejta themelore e të votuarit qytetarët, zgjedhësit.

Arsyeja? -Meqë nuk kam hyrë unë në garë, ajo s’ka pse zhvillohet fare. Pra, është njëlloj sikur një qytetar që s’do të votojë, të mos lejojë as tjerët ta ushtrojnë këtë të drejtë. Ose, nëse unë nuk dua të ushtroj të drejtën e votës kur Basha të hyjë në zgjedhje, a mundet Basha të më marrë me zor të më çojë te kutia e votimit? Pra Lul, nëse unë s’dua të votoj kur ti të futesh në zgjedhje, do më marrësh me zor? Absolutisht jo! Sepse si e drejta për të zgjedhur dhe ajo për tu zgjedhur buron nga liria. E lirinë time për të zgjedhur  e për tu zgjdhur, njëlloj si tënden nuk e cënon dot askush!

Pra, nga njëra anë PD-ja kërkon zgjedhje të lira e të ndershme, nga ana tjetër nuk merr pjesë në zgjedhje. Nga njëra anë nuk merr pjesë në zgjedhje, nga ana tjetër nuk lejon as qyteratët që të zgjedhin. E drejta e votës për qytetarët nuk është një dëshirë apo tekë e një apo disa partive, por një e drejtë që buron si themel i demokracisë.

Sot, protesta e Partisë Demokratike i ka dhënë asaj frytet e dëshiruara. Basha ka mbi tryezë një ofertë nga Rama e cila është korrekte nga ana Kushtetuese dhe nga ana politike më shumë se bujare. Kjo pasi në Shqipëri, kurrë opozita nuk ka marrë siguri të këtij niveli, ku praktikisht është këmbë e krye pjesë e monitorimit për të mos lejuar asnjë rrëshkitje në paligjshmëri. E nëse Basha dhe PD-ja kanë protestën si qëllim në vetëvete e jo si instrument për të marrë garanci për zgjedhjet, ky është një problem i madh i Partisë Demokratike, por kurrësesi i qytetarëve apo i pjesës tjetër të partive politike.

Basha, Partia Demokratike e çdo parti tjetër, janë një asgjë përpara të drejtës që çdo qytetari i jepet nga Kushtetuta për të zgjedhur dhe për t’u zgjedhur. E në kushtet që ndodhemi, pra kur Basha dhe opozita ka marrë të gjitha garancitë maksimale për të kontrolluar procesin nga fillimi në fund që të mos përsëriten skenarët që Berisha ka futur në tregun politik shqiptar, çdo protestë e PD-së si qëllim në vetvete është një gjest jolegjitim dhe anti-kushtetues, i cili nuk i sjell asaj asnjë benefit, përkundrazi e kthen në një grup ilegalësh.

Ndaj në 7 maj, qytetarët do të shkojnë për të ushtruar një të drejtë të tyren themeltare, të cilën nëse Basha do të tentojë t’a cënojë, jo vetëm që do t’i rrëzohet kauza dhe të mos i jepet më nga Rama asnjë ofertë, por rrezikon ta kthejë partinë e tij në një grup kaçakësh.

Next Post
De Biasi analizon fitoren e Juventusit, bën parashikim dhe se kush do fitojë Champions

De Biasi analizon fitoren e Juventusit, bën parashikim dhe se kush do fitojë Champions

Leave a Reply Cancel reply

Your email address will not be published. Required fields are marked *

TË FUNDIT

Irani kërkon kompensim për dëmet mjedisore nga sulmet SHBA-Izrael

Irani kërkon kompensim për dëmet mjedisore nga sulmet SHBA-Izrael

November 11, 2026
Izraeli në prag të një sulmi të ri ndaj Iranit? Eisenkot i kërkon Netanyahut të mos ndërmarrë veprime ushtarake

Izraeli në prag të një sulmi të ri ndaj Iranit? Eisenkot i kërkon Netanyahut të mos ndërmarrë veprime ushtarake

November 11, 2026
Rusia dhe Serbia negociojnë kontratën e re të gazit, Lavrov: Do të respektojmë të gjitha marrëveshjet

Rusia dhe Serbia negociojnë kontratën e re të gazit, Lavrov: Do të respektojmë të gjitha marrëveshjet

November 11, 2026
Zjarri përfshin magazinën me dru në Gjirokastër

Zjarri përfshin magazinën me dru në Gjirokastër

November 11, 2026
Rama: 95% e shërbimeve online, synojmë një proces prokurimi tërësisht përmes inteligjencës artificiale

Rama: 95% e shërbimeve online, synojmë një proces prokurimi tërësisht përmes inteligjencës artificiale

November 11, 2026
“Ka nevojë për ndihmë psikiatrike”, Blatter sulmon ashpër Infantinon: Është diktator!

“Ka nevojë për ndihmë psikiatrike”, Blatter sulmon ashpër Infantinon: Është diktator!

November 11, 2026
Arlind Qori zbulon planet politike: Do të kandidoj për Tiranën, në 2029 largohem nga drejtimi i partisë

Arlind Qori zbulon planet politike: Do të kandidoj për Tiranën, në 2029 largohem nga drejtimi i partisë

November 11, 2026
Protestat në Shqipëri, Rama: Regjimi iranian ndikoi përmes rrjeteve sociale, dhuna e papranueshme

Protestat në Shqipëri, Rama: Regjimi iranian ndikoi përmes rrjeteve sociale, dhuna e papranueshme

November 11, 2026
A rrezikohet Samiti i NATO-s në Shqipëri? Tirana mohon mundësinë e një takimi virtual

A rrezikohet Samiti i NATO-s në Shqipëri? Tirana mohon mundësinë e një takimi virtual

November 11, 2026
SHBA-Iran, Vance drejt negociatave të drejtpërdrejta me Teheranin, Trump i jep dritën jeshile

SHBA-Iran, Vance drejt negociatave të drejtpërdrejta me Teheranin, Trump i jep dritën jeshile

November 11, 2026
  • Adresa: Rruga “Mihal Popi”, Pallatet 1 Maji, Shkalla 26, Apartamenti 5, Tiranë
  • Email: javanews.al@gmail.com
  • Kontakt
  • Kreu
  • Rreth Nesh

© 2025 JAVA NEWS - Të drejtat mbi përmbajtjen mbrohen sipas etikës profesionale dhe ligjeve të Republikës së Shqipërisë.

No Result
View All Result
  • Politikë
  • Kronikë
  • Ekonomi
  • Bota
  • Sport
  • Kulturë
  • Opinion
  • Tendencë
  • Të tjera
    • Media në Tranzicion
    • Kosova
    • Editorial
    • Kuriozitete
    • Teknologji
    • Sociale
    • Horoskopi
    • Dossier
    • Shëndetesi

© 2025 JAVA NEWS - Të drejtat mbi përmbajtjen mbrohen sipas etikës profesionale dhe ligjeve të Republikës së Shqipërisë.

Welcome Back!

Login to your account below

Forgotten Password?

Retrieve your password

Please enter your username or email address to reset your password.

Log In