Një gol i Suarez me asistin e Jordi Albës ka mjaftuar për pjesën e parë. Barcelona e ka mbyllur në epërsi minimale pjesën e parë ndërsa ndeshja ka qenë e luftuar. Me karton të verdhë u ndëshkua vetëm francezi i Barcelonës, Clement Lenglet ndërsa Naby Keita u largua për shkak dëmtimi në mintuën e 24′ për t’ja lënë vendin Jordan Henderson.
Argjentinasi shënon nga një faull duke e çuar në topin në trenkëndëshin e portës së Liverpool. Camp Nou ka shpërthyer në festë.
2-0, Lionel Messi shënon dhe të dytin ndaj Liverpool
Argjentinasi Lionel Messi ka shënuar dhe golin e dytë ndaj Liverpool. Pas një rrëmuje në zonën e anglezëve, Messi arriti të shtyjë topin në portën e boshatisur nga portieri brazilian Alisson.
Afër barazimit por…, Ter Stegen bën super pritjen
Liverpool ishte afër golit me yllin e saj, Mohamed Salah. Një depërtim nga krahu i majtë i tij dhe një goditje diagonale krijoi iluzionin e golit të parë për anglezët por Ter Stegen me një hedhje fantastike shpëtoi portën e Barçës duke e çuar topin në këndore.
Zhbllokohet ndeshja në Camp Nou, Suarez i shënon ish-skuadrës
Luis Suarez ka shënuar golin e parë të ndeshjes gjysmëfinale Barcelona- Liverpool. Bomberi uruguajan ka përfituar nga një harkim i Jordi Albës nga krahu i majtë për të mposhtur portierin Alisson, dalja nga porta e të cilit nuk rezultoi efikase. Suarez zgjati këmbën për të çuar topin drejt rrjetës.
