Nga Artur Ajazi
E ndërsa Lindja e Mesme po digjet, dhe lufta Israel-Iran ka nisur të përshkallëzohet, aq sa mund të ndezë flakë gjithë botën, opozita në Shqipëri merret me “llafe katundi”. Situata më e fundit gjeopolitike në botë, nxisin nevojën e një bashkimi dhe bashkëpunimi mes forcave politike edhe në Shqipëri. Përçarja politike në Tiranë, në vendin më progresist në Ballkan, do të thotë ti japësh kurajo dhe shanse negativiteti ndonjë fqinji tinëzar të shfrytëzojë mrekullisht mundësinë e momentit.
Edhe në dy daljet ë fundit në Parlament, ashtu si daljet e shpeshta të zotit Berisha nga selia blu, vihet re egërsia dhe dashakeqësia politike e opozitës ndaj qeverisjes Rama. Berisha e ka vërtetuar edhe më parë se, momentet e vështira dhe delikate, i shfrytëzon për ti “hedhur benzinë zjarrit”.Të mos harrojmë 35 vitet e tranzicionit politiko-ekonomik në Shqipëri, se si PD-ja dhe Berisha janë sjellë me fatet e vendit, dhe të shqiptarëve. Ata janë gati ta djegin dhe shkrumbojnë vendin për pak pushtet, dhe interesat e tyre personale dhe familjare.
Atyre nuk u dhimbset vatani, nuk u dhimbsen shqiptarët, nuk i intereson fati i Shqipërisë, mjafton të kapin paksa pushtet. Këtë Berisha e ka treguar në 1996, 1997, 1998, 2001, dhe në 12 vitet e fundit, kur qeveria e Edi Ramës ndeshej me kriza Covidesh e tërmetesh shkatërrimtare. Edhe sot, opozita dhe Sali Berisha po vazhdojnë avazin e tyre. Nuk njohin zgjedhjet, nuk njohin rezultatin e tyre, nuk njohin qeverinë, kryeministrin, SPAK-un, GJKKO, nuk njohin asgjë ligjore, dhe duan të shkaktojnë trazira, vetëm për pak pushtet. Nuk pyesin fare se bota po shkon drejt kolapsit, dhe se ne shqiptarët, duhet të jemi të bashkuar dhe pa ndasi politike. Berisha kënaqet me bombat, rraketat, vrasjet dhe shkatërrimet që sheh në Lindjen e Mesme, ndoshta uron që ajo situatë, të ndodhë edhe në Shqipëri, vetëm që Edi Rama të largohet nga pushteti.
Dritëshkurtësia politike e opozitës, e ka çuar atë drejt rrënimit total, duke e zhytur edhe më tej, në rrugëtimin e saj antiligjor dhe antikushtetues. Në situatën e krijuar në disa rajone në botë, nevoja e bashkimit dhe bashkëpunimit mes forcave politike mbetet urgjente. Duket sikur lufta po troket në çdo vend të kontinentit tonë, duke patur parasysh konfliktin e gjatë Rusi-Ukrahinë, dhe tashmë atë Israel-Iran.
Degradimi i situatës ushtarake dhe bilanceve të luftës, mund të sjellë thellimin e konflikteve, duke ngjallur frikën e përhapjes së luftrave edhe në rajone të tjera të botës. Ky duhet të jetë shqetësimi i ditës për opozitën dhe Sali Berishën, dhe jo “vjedhja e votave, dhe mosnjohja e rezultatit zgjedhor”.
