Ish-kryeministri Sali Berisha ka publikuar sot një video në rrjetet sociale në të cilën ai pretendon se shfaqet bashkëshortja e kryeministrt Rama, Linda Rama duke u nisur nga Rinasi përmes një avioni charter.
Ashtu si shumë foto apo video, qoftë edhe mesazhe të tjera, kemi të bëjmë me një video të “qytetarit dixhital” të paverifikuar.
Kjo theksohet nga një reagim i zyrës së kryeministrit Rama.
“Sot ish-kryeministri Sali Berisha ka publikuar një lajm të rremë shoqëruar me një video, mbi gjoja një fluturim me charter të zonjës Linda Rama. Problemi nuk është tek zoti Sali që ka bërë atë që gjithnjë ka bërë më shumë se çdo shqiptar, pra ka shpifur! Problemi është se një sërë portalesh, e kanë marrë si zakonisht “derr në thes” videoshpifjen e zotit Sali dhe e kanë publikuar pa bërë asnjë verifikim paraprak”, thuhet në emsazhin e Kryeministrisë.
Më tej në reagim theksohet se “kjo praktikë copy-paste që i ka kthyer lajmet e rreme në një epidemi digjitale bie ndesh me çdo liri e të drejtë informimi dhe nuk i shërben as interesit publik e as misionit të medias së lirë”.
Në fakt nëse shikon videon më poshtë, personi që hipën në avion nuk duket fare se kush është.
Çfarë shkruante Berisha:
Edhe Madame Rama (Basha) udheton me charter privat!
Lexoni mesazhin dhe shikoni videon e qytetarit dixhital. sb
“Miredita Doktor, po te nis vidjon e fluturimit te Linda Rames me date 9 Korrik nga Rinasi.”
