Linda Halimi, super talenti shqiptar nga Kosova, tashmë kërkon suksesin në Amerikë.
Këngëtarja e fuqishme e skenës sonë, pasi debutoi në edicionin e tretë të Talent Show-t të famshëm shqiptar si “Ethet”, dhe pasi pushtoi skenën dhe ekranin në Shqipëri dhe Kosovë, ku fitoi dhe mjaft çmime, së fundmi është gati për një përballje tjetër me një juri dhe publik ndryshe.
Pasi ka realizuar audicionin live në provat e American Idol 2016, fituesja e çmimit “Best New Artist” në Top Fest 2007, vendin e dytë në festivalin Rock Për Rock(2008), çmimin “Vodafone Club”(Top Fest 2008), “Grand Prize” në Top Fest 2009, “Best Rock”, në Këngën Magjike, vendin e dytë në në festivalin Kosovarja etj, ka njoftuar fansat e shumtë se së shpejti do ta shohin në Televizionin Amerikan në super Talent Shown më të ndjekur në botë.
E shpërngulur prej pak kohësh në SHBA, ku Linda jeton me të fejuarin e saj Big D, tashmë është gati për një karrierë ndërkombëtare në tregun amerikan, gjë të cilën e kishte paralajmëruar prej pak kohësh.
