Këngëtarja nga Kosova, Linda Halimi është fituese në edicionin e 55 të Festivalit të Këngës në RTSH.
Me këngën “Botë” ajo do të përfaqësojë Shqipërinë në garën më të madhe të këngës në Evropë. Me tekst të Gerald Xhari, muzika dhe orkestrimi Klodian Qafoku, transmeton Koha.net.
Altin Basha, Vikena Kamenica, Vlashent Cata, Arben Duka, Petrit Çeku, Alma Bektashi, Inva Mula kanë qenë përbërja e jurisë që ka vlerësuar drejtpërdrejt nga salla garuesit e këtij edicioni.
Veç jurisë që ishte brenda Pallatit të Kongreseve anëtarë të jurisë ishin edhe artistë që janë jashtë Shqipërisë duke përfshirë: Anjeza Shahinin, Elsa Lilan, Nertila Kokan, Fatrin Krajkan dhe Adelina Ismajlin.
Kujtojmë se suksesi më i madh i Shqipërisë në “Eurosong” është arritur nga këngëtarja nga Kosova, Rona Nishliu me këngën e saj “Suus”. Ajo kishte dalë e pesta në garën e vitit 2012.
“Eurosong 2017” do të mbahet në Kiev të Ukrainës, më datat 09, 11 dhe 13 maj. (b.an)
