Punimet në aksin Lin-Pogradec vazhdojnë të zvarriten prej vitesh, pavarësisht tejkalimit të afateve. Edhe kur u duk se këtij problemi po i vinte fundi, një ndryshim i projektit në kilometrin e parë të rrugës sapo del nga qyteti i Pogradecit riktheu gjendjen kaotike mes pluhurit, baltës e gropave.
Drejtuesit e mjeteve, të zhgënjyer dhe të revoltuar pohojnë se janë lodhur nga kjo situatë ne të cilën ndodhet rruga prej vitesh. Ata janë të detyruar t’a përshkojnë këtë distancë, megjithëse të shkurtër, me vështirësi të mëdha.
‘’Kjo situatë nuk është normale. Për 300 metra rrugë, na i shkatrruan makina’’, u shpreh një drejtues.
‘’Janë gropat me ujë, na i shkatrruan makinat. Më mirë mos ta kishin prishur fare’’, u shpreh një tjetër drejtues.
Prej disa vitesh punimet në këtë aks, herë avancojnë e herë ngecin mes gropave, pluhurit, baltës dhe pellgjeve me ujë . Përveç dëmit të mjeteve, vonesave të qytetareve në udhetim punimet kanë ndikuar edhe tek bizneset që pozicionohen gjatë saj pasi askush nuk ndalon që të qëndrojë mes baltës dhe pluhurit.
ma.me
