Gjykatën e Durrësit ka dhënë sot masën e sigurisë për Marjen Fierzën dhe shokun e tij Genti Nderjakun. I pari njihet si miku i ish-kreut të Bandës së Durrësit, Lulzim Berisha. Arrest me burg ka qenë masa e sigurisë për Fierzën, ndërsa shoku i tij, Nderjaku është lënë në detyrim paraqitje.
Fierza dhe Nderjaku u arrestuan dy ditë më parë gjatë një aksioni të policisë në Durrës, ndërsa brenda në automjetin tip “Porsche” u gjetën dy armë zjarri pistoletë.
Një prej armëve i përkiste Nderjaku i cili ka deklaruar se e ka me leje, ndërsa policia sqaroi një ditë më parë se i ndaluar ishte lejuar që ta mbante armën vetëm brenda në banesë dhe jo jashtë saj. Ndërsa Marjen Fierza dispononte armë zjarri pa leje.
Marjel Fierza në dëshminë e tij para gjykatës ka thënë se armën e kishte gjetur rastësisht dhe ishte nisur për ta dorëzuar në polici.
“E gjeta tek disa depozita uji dhe do e dorëzoja në polici por më kapi policia kur isha nisur ta dorëzoja”,- ka thënë ai.
a.ç
