Gjykata e Krimeve të Rënda ka vendosur sot masën e sigurisë “arrest me burg” për grupin e zjarrit të Lazaratit.
Gentjan Kazma, 33 vjeç, Arjan Basha, 47 vjeç, Ramadan Basha, 31 vjeç, Gurgaz Skënderi, 24 vjeç dhe Mirteza Shemsho, 42 vjeç të pestë banues në Lazarat, u arrestuan dy ditë më parë, pasi akuzohen për një sërë veprash penale.
Të pestë këta persona akuzohen se janë pjesë e grupit të zjarrit që qëlloi me armë ndaj uniformave blu, gjatë zhvillimit të operacionit Antikanabis Qershor 2014 në Lazarat. Ata ishin shpallur në kërkim që prej qershorit të vitit 2014, ndërsa më 1 maj të këtij viti u bë i mundur arrestimi i tyre. Sipas Prokurorisë së krimeve të Rënda, ky grup personash dyshohet se ka pasur aktivitet të zgjeruar në kultivimin, prodhimin dhe trafikun e lëndëve narkotike.
Redaksia Online
(JavaNews.al)
