Është qëlluar me vezë teksa largohej nga Fakulteti i Shkencave Sociale automjeti i kryeministrit Edi Rama.
Nga informacionet e fundit mësohet se, policia ka reaguar duke arrestuar nëntë persona që dyshohet të kenë hedhur vezët në drejtim të automjetit.
Pesë nga të ndaluarit janë nga Lëvizja për Universitetin. Tre të tjerë janë nga Lëvizja Studentore në Prishtinë.
Mësohet se shkaku është Ligji për Arsimin.
Tetë nga studentët e ndaluar janë: Anita Lushi, Bora Mema, Klodi Hoxha, Viki Çipi, Liri Kuçi, Durim Jasharaj, Dardan Konjufca, Valton Marku.
Ndërkaq, nga Lëvizja për Universitetin është bërë e ditur se policia ka ushtruar dhunë mbi të ndaluarit, duke nxjerë këtë deklaratë:
“Policia e qeverise se privateve ka arrestuar pak me pare pese aktiviste te Levizjes Per Universitetin se bashku me tre aktiviste te Klubit Politik nga Kosova. Aktivistet ishin mbledhur para Fakultetit te Shkencave Sociale per te protestuar kunder nje konference te mbyllur mbi biznesin ku do merrte pjese edhe kryeministri Rama. Pas mbarimit te konferences aktivistet kane goditur kryeministrin Rama me veze dhe ne ate moment policia ka nderhyre duke shoqeruar tete prej tyre ne Komisariatin nr 2. Aktivistet thone se gjate rruges policia ka ushtruar dhune fizike.
Levizja Per Universitetin denoncon dhunen qe eshte ushtruar mbi aktivistet nga policia e qeverise se privateve. Qeveria perdori policine e shtetit per te kaluar forcerisht nje reforme qe pasuron privatet. Tashme qeveria po perdor dhunen policore per te ruajtur privelegjet e privateve. Ju bejme thirrje te gjithe studenteve, pedagogeve, aktivisteve te shoqerise civile dhe qytetareve qe ta denojne kete arrogance qeveritare dhe ti bejme thirrje per lirimin e menjehershem te aktivisteve Anita Lushi Bora Mema Klodi I. Hoxha, Viki Cipi, Liri Kuçi Durim Jasharaj, Dardan Konjufca, Valton Marku”.
https://www.youtube.com/watch?v=HKMNjSYzHQA
