Anëtari i bordit drejtues të Bindjes Demokratike, Fabian Topollaj, i ftuar në emisionin “Real Story” në “News 24” , duke folur për ligjin anti-KCK, u shpreh se është zgjedhur koha e gabuar për të miratuar këtë ligj.
Topollaj theksoi se duhej të ishte zgjedhur kohë tjetër për të miratuar ligjin në fjalë, pasi momentalisht opozita nuk ka votat në parlament.
“Ligji është bërë në një kohë që opozita nu është në parlament. Ky është një ligj duhet të ishte bërë vite më parë, është i vonuar. Shqiptarët kanë sytë nga reforma në drejtësi, ndërsa në kulmin kur ne presim produkte nga kjo reformë, ne kemi krijuar një strukturë, e cila drejtohet nga ekzekutivi. Qëllimi është i mirë, por instremnetet për mua janë të gabuara”, tha Topollaj.
Fabian Topollaj vlerësoi se qeveria ka dështuar të përballet me krimin, pasi përndryshe nuk do ta bënte një paketë të tillë.
“Duhet të kemi parasysh se të gjitha ligjet që kanë këtë qëllim kanë kufizim të të drejtave të njeriut. Kjo gjë është krejt normale, por problemi është se a jemi në përputhje me të drejtat e njeriut. Unë nuk mendoj se ky ligj prek konventat ndërkombëtare. Edhe ligji i dekriminalizimit ka të njëjtat probleme.
Prsh në Shqipëri ka qenë thuajse e pamundur të gjejë prova për të akuzuar banditët e vitit 1997. Edhe aty ishim ndesh me të drejtat e njeriut. Mendoj se qeveria ka dështuar të luftojë me krimin, derisa ka bërë këtë ligj. Kuadri ligjor ta jep mundësinë që të luftosh krimin”, deklaroi Topollaj.
