I ashpër ishte kryetari i Partisë së Lirisë, Ilir Meta, kur u pyet sot për mundësinë e largimit nga politika pas miratimit të ligjeve për verifikimin e politikanëve si spiunë.
Ai kërcënoi Kryeminsitrin Rama dhe Lulzim Bashën, të cilin i quajti ‘Musolini dhe dashnorja e tij Klareta’, se do të përfundojnë si këta të dy. Musolini dhe Klareta u ekzekutuan gjatë Luftës së Dytë Botërore.
Meta ka paralajmëruar se Parlamenti i Tiranës sa të mblidhet i ka gati 10 komisione hetimore.
Në një konferencë me gazetarët ai tha se një komision ka të bëjë me korrupsionin e bashkisë së Tiranës që lidhet me Autoritetit të Dosjeve.
“Ligjet që bën djali i Kristaq Ramës dhe nipi i Kolëkës do t’ia fus atje ku i shijojnë më shumë atij. Të gjithë ata që do mendojnë se do ekzekutojë pluralizmin në Shqipëri dhe që janë përpjekur ka vite të tera për ta bërë këtë gjë dhe që kujtojnë se mund të vënë dorën në zgjkedhjet e ardhshme do të kenë fatin e Musolinit dhe të Klaretës, dashnores së Musolinit.
Sa i takon çështjes së dosjes, ata të 5 kanë përgjegjësi penale, ndërsa njëri ka edhe përgjegjësi personale pasi ka dëmtuar persona që janë në jetën e tyre private dhe që i kanë fëmijët shumë më të mëdhenj sesa këta kanë qenë në atë kohë, duhet të dini që Parlamenti i Tiranës sa të mblidhet i ka gati 10 komisione hetimore, dhe një komision ka të bëjë me korrupsionin e bashkisë së Tiranës që ka të bëjë me Autoritetit të Dosjeve. Betonimi i kodrave të Tiranës janë shqetësim për qytetarët. Sa i takon Ram bashistëve, vrimë miu nuk do të ketë për ta. Këto janë premtime, e di Edvin Kristaq Rama që unë i mbaj premtimet”, tha Meta.
/e.d
