Dhjetëra biznesmenë dhe qytetarë të identifikuar për lidhje të paligjshme të ujit të pijshëm në biznese dhe në shtëpi private në lagje të ndryshme të Elbasanit kanë përfunduar në komisariatin e policisë së Elbasanit.
Shoqërimi i tyre është bërë pasi janë evidentuar si vjedhës të ujit të pijshëm nga rrjeti kryesor duke realizuar lidhje të paligjshme.
Dhjetëra punonjës të UKE, të policisë bashkiake të mbështetur nga policia, të shoqëruar edhe nga Administratori i UKE Leli Kaja ndoqën nga afër verifikimet që po kryhen në terren ku edhe po bëhet ndërprerja e lidhjeve të paligjshme nga tubacionet kryesore që furnizojnë me ujë të pijshëm qytetin e Elbasanit.
