Shpeshherë ajo është përfolur në median rozë për lidhjet e ndarjet me personazhe të famshëm. Gjithashtu është folur edhe për barrierat që ka qenë të detyruar të kalojë.
Ajo është Jeniffer Aniston, e cila ishte e ftuar në festivalin e filimit “Giffoni” në Itali. Aty, aktorja pati mundësinë që t’u përgjigjej disa pyetjeve të fansave duke e bërë aktoren të rikujtojë hijet e së shkuarës dhe lëndimet që ka kaluar në marrëdhëniet e saj me meshkujt.
“Kam kaluar qindra ditë ku jam zgjuar në mëngjes duke mos e njohur veten time. Kam pyetur veten nëse jam mjaftueshëm për një mashkull, çfarë gabimesh kam bërë, përse po e përjetoj këtë gjendje pafundësisht?! Unë jam njeri i zakonshëm si të gjithë ju dhe ju lutem më besoni kur them se koha shëron çdo dhimbje. Mund t’ju duket një pafundësi por koha shëron çdo shenjë. Kini besim tek vetja juaj dhe mos u tregoni të ashpër me veten. Në fund të ditës gjithçka do të shkojë mirë”, është përgjigjur 47-vjeçarja me lot në sy, disa prej pyetjeve të fansave.
Goditjen e parë e ka marrë pas ndarjes me Brad Pitt, ku kishhin 5 vite martesë. Më pas ajo pati një lidhje të shkurtër më njërin nga aktoret e kastit “Friends”. Pas disa lidhjesh me figura të njohura si Vince Vaughn, Paul Sculfor, John Mayer, Tate Donovan u përball përsëri me ndarjen nga Justin Theroux vitin e kaluar.
