Lideri i opozitës koreanojugore Huang Kjoan zgjodhi një formë të veçantë për të protestuar kundër zgjedhjes në postin e Ministrit të Drejtësisë, të një politikani të akuzuar për korrupsion.
Kjoan vendosi të rruante kokën në sytë e publikut përpara zyrës së presidentit Mun Xhae-in. I mbështetur edhe nga politikanë të tjerë opozitarë, Kjoan shprehu indinjatën për nënshkrimin nga presidenti të Çok Kukut në postin e Ministrit të Drejtësisë.
Një ndër akuzat ku po hetohet është se Kuk ka investuar kapitale në disa afera të dyshimta ku ishin të përfshirë edhe familjarë të tij. Qethja e kokës si formë proteste u bë traditë në vitet ’60-70 në protestat kundër juntës ushtarake koreanojugore.
/a.r