Pak ditë më parë mediat ndërkombëtare raportuan se baza e re e drejtuesve të Shtetit Islamik ISIS është zhvendosur në qytetin Sirte të Libisë.
Dhe sot, agjencia iraniane “Fars”, raportoi se lideri i terroristëve Abu Bakr Al Bagdadi, është plagosur rëndë dhe ndodhet në Libi.
Sipas informacioneve të transmetuara nga “Fars”, dyshohet se kreu i ISIS ka mbërritur në Libi nëpërmjet territorit turk, ku ishte dërguar në muajin tetor për të kuruar plagët e rënda që mori gjatë një sulmi në Irak.
Por, i pyetur në lidhje me këto raportime, Ministri i Jashtëm rus Sergei Lavrov nuk jep asnjë konfirmim zyrtar.
“Nuk e dimë saktësisht nëse ndodhet në Libi, por dimë që ISIS ndodhet në qytetin Sirte. Për Al Baghdadin e rëndësishme është të tregojë se përhapja e ISISit po vijon” – tha Lavrov.