Liderët e Ballkanit Perëndimor dhe krerët e BE-së janë mbledhur të gjithë sonte në Tiranë ku nesër do të zhvillohet samiti i Komunitetit Politik Europian.
Ata janë pritur në një darkë informale në kryeqytetin shqiptar nga kryeministri Edi Rama dhe Presidenti Bajram Begaj.
Siç mund të dallojmë nga pamjet e pranishme është Presidentja e Kosovës, Vjosa Osmani, ai malazez Jakov Milatoviç, presidenti serb Aleksandër Vuçiç, kryesuesja e presidencës boshnjake Željka Cvijanović dhe kryeministri i RMV, Hristijan Mickoski.
Të pranishëm janë edhe përfaqësuesit më të lartë të BE-së.
Bëhet fjalë për Presidenten e Komisionit Europian, Ursula von der Leyen, Presidentin e Këshillit Europian, Antonio Costa dhe përfaqësuesen e lartë për Politikën e Jashtme, Kaja Kallas. I Pranishëm është edhe kryeministri polak, Donald Tusk.
Presidentja e Komisionit Europian, Ursula von der Leyen ka reaguar pas darkës informale me liderët e Ballkanit Perëndimor.
Ajo ka shpërndarë një foto të përbashkët dhe shkruan se fakti që takimi i KPE-së mbahet për herë të parë në Ballkanin Perëndimor është simbol i fuqishëm.
“Në Tiranë për takimin e Komunitetit Politik Evropian. Është hera e parë që mbahet në Ballkanin Perëndimor. Një simbol i fuqishëm. Familja jonë evropiane e vlerave shtrihet përtej kufijve të Bashkimit Evropian. Ndajmë të njëjtin kontinent. Dhe një të ardhme të përbashkët”, shkruan ajo.
A nuk duhet përshëndetur kjo skenë kumtuplote? Mendo sot gërmadha që ka një emër Sali , Ali baba me 40 hajdutët të rrjedhur çyrykë të protestojnë në bulevard. “Koncert në 2025” . I hlngërt tenja.