Presidenti i Turqisë, Recep Tayyip Erdogan, tha se shpreson se fitorja e Donald Trump në zgjedhjet presdienciale të SHBA-së do të çojë drejt hapave pozitivë për Lindjen e Mesme dhe për të drejtat themelore, demokracinë dhe liritë në botë.
Mogherini: Lidhjet BE dhe SHBA më të thella se ndryshimet në politikë
Përfaqësuesja e Lartë e BE-së për politikë të Jashtme dhe Siguri e BE-së, Federika Mogherini ka thënë se “BE-ja do të vazhdojë të bashkëpunojë me SHBA-në”.
“Lidhjet ndërmjet BE-së dhe SHBA-së janë më të thella se sa çdo ndryshim në politikë”, ka thënë Mogherini.
Shulz: BE, më vëshirë me Trump
Kryetari i Parlamentit Evropian Martin Schulz, sot deklaroi se BE-ja do ta ketë më të vështirë me Donald Tramp, i cili sot në mëngjes u zgjodh për president të ri të SHBA-së. sesa me administratat paraprake amerikane.
“Do të jetë më vështirë, më vështirë sesa me administratat paraprake, por ai është zgjedhur për president të zgjedhjeve të lira”, tha Schulz për radion “Evropa1”, transmeton Express.
“Duhet ta respektojmë presidentin e ardhshëm të SHBA-së. Shpresoj se do të gjejmë mënyrë të bashkëpunojmë”, porositi Schulz.
Panorama/d.i
