Prej vitesh ka pasur thashetheme se Marlon Brando e James Dean ishin të dashur, por tani duket se ka ardhur edhe një konfirmim.
Kështu thuhet në librin e Darwin Porter e Danforth Prince “James Dean: Tomorrow Never Comes”, i cili del në shitje në SHBA më 24 prill 2016. E megjithatë, duket se shumë romancë nuk ka pasur në marrëdhënien e trazuar: Brando i ashpër duket se dominonte psikologjikisht e fizikisht më të riun Dean, në një raport me shenja të qarta sadomazokiste.
Është folur shumë për ta, por Brando, i cili ishte biseksual, e kishte mohuar gjithmonë marrëdhënien, madje akuzonte kolegun për fiksim pas tij.
Sipas autorëve të librit, Dean, i dashuruar plotësisht pas Brandos, pranonte çdo kërkesë të tij, ndërsa Brando argëtohej duke e përdorur, duke arritur deri aty sa të bënte seks me të panjohur teksa ai rrinte shihte.
Dean qëndronte me orë të tëra para derës së shtëpisë së Brandos, duke iu lutur për pak vëmendje.
Sa e besueshme është e gjithë kjo teori e vonuar (James Dean vdiq tragjikisht, vetëm 24 vjeç, më 30 shtator 1955, ndërsa Marlon Brando shumë më vonë, më 1 korrik 2001)? Dyshja e autorëve, e cila në të shkuarën kaë botuar biografitë e Liz Taylor e Jacqueline Kennedy, thonë që është e sigurt, nga të dhënat e njerëzve që kanë njohur James Dean në vitet ’50. Edhe për episodin kur, gjatë një darke, Dean heq këmishpn dhe tregon gjoksin plot të djegura cigaresh. Të pranishmit deshën të merrnin policinë e të denonconin ngjarjen, por aktori u rrëfeu se ishte vetë ai që i kishte kërkuar Brandos ta digjte. Për dashurinë ishte gati të bënte gjithçka.
