Klubi i Paraguait, Libertad, ka ofruar shërbimet e të gjithë lojtarëve të vet për klubin brazilian Chapecoense që humbi lojtarët pas rrëzimit të aeroplanit, me të cilin udhëtonin drejt Kolumbisë.
Libertad përmes Tëitterit ka njoftuar se lojtarët e vet janë në dispozicion për të luajtur për ekipin brazilian.Dy klubet ishin takuar në sezonin e shkuar të Copa Sudamericana, kur Chapecoense kishte eliminuar Libertadin pas dy barazimeve, në fazën e çerekfinaleve.
“Bordi i Libertad i shpreh ngushëllime klubit Chapecoense pas tragjedisë së pësuar dhe ofron të gjithë lojtarët në nder të futbollistëve të vdekur, që ishin profesionistë të shkëlqyer”, thuhet në njoftim të klubit.
Klubi brazilian po udhëtonte drejt Kolumbisë për ndeshjen e parë finale të Copa Americanas ndaj Atletico Nacionalit, kur aeroplani u rrëzua me 81 njerëz në bord, me vetëm pesë të mbijetuar, përgatiti Koha. (b.an)
