Kemi parë televizor 3D, të përkulshëm dhe Ultra HD, por tashmë vjen televizori me ekran në të dyja anët. Gjiganti korean i teknologjisë LG prezanton projektin më të fundit të televizorit të së ardhmes, i cili bën të mundur që të shohësh dy programe të ndryshme në të njëjtën kohë.
Dy prototipet e para u prezantuan gjatë një panairi në Berlin. Ky TV OLED (teknologjia e përdorur për prodhimin e ekraneve digjitalë për kompjuterë/televizorë/telefon celularë etj), do të vijë më dy madhësi, 111 dhe 55 inç, të dy të përkulshëm, ndërsa është vetëm 5.3 mm i hollë. LG synon që, ky projekt ende në zhvillim, të tërheqë vëmendjen e firmave të mëdha të marketingut, pasi në ambientet e shtëpisë është disi i vështirë për t’u vendosur.
Duke folur për të ardhmen e televizorëve, një përfaqësues i kompanisë tha: “Nuk kam pikën e dyshimit se, duke marrë parasysh avancimin e paramentareve dhe performacës superior, fleksibilitetit etj, teknologjia OLED është gjenerata e së ardhmes”.
