Në vijim të planit operacional për goditjen e veprimtarisë kriminale të narkotikëve dhe vendosjen para përgjegjësisë të autorëve të dyshuar në Lezhë, u arrestua në flagrancë shtetasi Koljant Ndoka, 23 vjeç, banues në Gjadër, Lezhë. 
Gjatë kontrollit të ushtruar në banesën e tij iu gjetën dhe sekuestruan në cilësinë e provës materiale: 533 gram lëndë e dyshuar narkotike; 87 fishekë model 65; 17 fishekë model 54.
Gjithashtu në një parcelë iu gjetën dhe asgjësuan me anë të djegies 200 bimë të dyshuara narkotike , ku dyshohet të jenë kultivuar nga ky shtetas . Veprat penale “Prodhimi dhe mbajtja pa leje e armëve luftarake dhe municionit” “Prodhimi dhe shitja e lëndëve narkotike ” “Kultivimi i bimëve narkotike”.
