Sekuestrohen 9 kg lëndë narkotike e dyshuar Cannabis sattiva , një peshore elektronike , si dhe pajisje të tjera që përdoren për paketim të lëndës narkotike.
Arrestohet në flagrancë poseduesi i tyre.
“Më datë 10.07.2017, në vijim të punës së pandërprerë për evidentimin dhe goditjen e veprimtarisë kriminale të prodhimit dhe shitjes së lëndëve narkotike dhe vendosjen para përgjegjësisë ligjore të autorëve, nga Seksioni kundër narkotikëve në Drejtorinë Vendore të Policisë Lezhë , në bazë të informacioneve të siguruara në rrugë policore ,u bë i mundur arrestimi në flagrancë i shtetasit:
Mark Zefi , 49 vjeç, banues në Lezhë”.
Gjatë kontrollit të ushtruar në ambientët e banesës së tij , iu gjet e sekuestrua në cilësinë e provës materiale 9 kg lëndë narkotike e llojit cannabis sattiva e paketuar në 8 pako , gati për shitje.
Gjithashtu në banesë iu gjetën dhe sekuestruan një peshore elektronike, si dhe materiale të tjera që shërbejnë për paketimin e lëndës narkotike.
Materialet procedurale i kaluan Prokurorisë së Rrethit Gjyqësor Lezhë për veprën penale ” Prodhim dhe shitje e lëndëve narkotike ” parashikuar nga neni 283/1 i Kodit Penal./a.m.
