Në ditën e tretë të Samitit të Diasporës, teksa është përkujtuar 575 vjetori i Besëlidhjes së Lezhës, nga podiumi i improvizuar per kete ceremoni, kreu i shtetit ka dhene mesazhe te forta, ne kuader te aktualitetit politik te vendit.
Teksa nuk ka ngurruar të bëjë një përshendetje për Qeverinë dhe Ministrin Majko, Meta ka apeluar me fjalët e Nënë Terezës, për më pak gjykim e më shumë dashuri.
“Përshëndes dhe qeverinë dhe ministri e Diasporës për përpjekjet e vazhdueshme në këtë drejtim. Kjo është një rrugë e gjatë dhe e qendrueshme dhe e sigurt që do të na cojë përpara”- tha Meta.
Sipas tij, dëshira është që të “rinjtë tanë ta shohin të ardhmen vetëm këtu dhe mbështetja juaj është shumë e rëndësishme”.
“Por për këtë na duhet te jemi pak më të dashur me njëri-tjetrin dhe ta gjykojmë më pak njëri tjetrin, e për këtë na shërben thenia e Nënë Terezës: Po të gjykojmë të tjerët pa fund nuk na mbetet kohë për ti dashur. Pra, ti gjykojmë të tjerët më pak e ti duam më shumë dhe kjo është rruga e suksesit të përbashkët”- tha Meta. Mesazh te prere dha per bashkepunim me paleve ne interes te integrimit.
“Bashkëpunim për çeljen e negociatave. Të fitojmë mundësinë e çeljes së negociatave. Apeli nga ana ime është reflektim dhe bashkëpunim”-tha Meta.
Meta, vleresoi lart figuren e Skënderbeut, duke thene se do mbetet përgjithmonë i gjalli me të gjallët ka thënë Fan Noli.
“Ai është figura më shpëtimtare e frymëzuese dhe ka përcaktuar identitetin e shqiptarëve. Shpreh mirënjohje për shqiptarët e Maqedonisë që me aq mençuri arritën të çelin rrugën evropiane të Maqedonisë, rrugë që do garantojë të gjitha të drejtat e tyre si qytetarët evropiane. Uroj që ky Kuvend i Lezhës të na ndihmojë që të reflektojmë dhe t’i themi një ‘po’ të fortë rrugës së integrimit për në BE së bashku me Maqedoninë e Veriut. Të ngrihemi mbi interesat afat shkurtra”- tha Meta.
