Një i ri ka rënë në pranga dhe dy të tjerë janë shpallur në kërkim, pasi akuzohet se shfrytëzuan një 21-vjeçare për prostitucion. Burime nga policia e Lezhës bënë me dije se Agustin Toli në bashkëpunim me Vladimir Mirashin i ndaluar më 18 nëntor të vitit të kaluar dhe Kristian Markun, i cili është i shpallur në kërkim më datë 18.11.2015, në muajt Tetor-Nëntor të vitit 2015 kanë shfrytëzuar në Lezhë për prostitucion shtetasen me iniciale E.T. 21 vjeçe, banuese në Lezhë.
Pasi Kristian Marku e ka shfrytëzuar për prostitucion në Lezhë, shtetasen E.T. 21 vjeçe. dhe më pas e ka dërguar në Tiranë ku Vladimir Mirashi dhe Agustin Toli e kanë detyruar të përdorte drogë dhe kanë kryer marrëdhënie seksuale me të pa dëshirën e saj.
Ky shtetas u kap në Tiranë nga efektivët e Komisariatit Nr.6 në Tiranë. Materialet proceduriale u referuan Prokurorisë së Rrethit Gjyqësor Lezhë për veprat penale “ Marrëdhënie seksuale me dhunë me të rritura” , “Nxitja për përdorim të droges” në bashkëpunim.
