Me datë 30.11.2016, nga Seksioni kundër narkotikëve në Drejtorinë Vendore të Policisë Lezhë, në vijim të punës për goditjen e veprimtarisë kriminale të prodhimit dhe shitjes së lëndëve narkotike dhe vendosjes para përgjegjësisë penale të autorëve, në bazë të informacioneve të siguruara në rrugë operative, u bë arrestimi në flagrancë i shtetasve :
Kristian Gjonikaj , 19 vjeç, banues në Tiranë , të cilit gjatë kontrollit të ushtruar në Tale – Lezhë, iu gjet dhe sekuestrua në cilësinë e proves materiale një armë sportive pa leje dhe një sasi prej 850 gram lëndë narkotike e dyshuar cannabis – sattiva.
Bruneto Çela, 24 vjeç , banues në Kurbin , pasi gjatë kontrollit të ushtruar iu gjet dhe sekuestrua në cilësinë e proves materiale një sasi prej 3 kg 566gr lëndë narkotike e dyshuar cannabis- sattiva.
Materialet procedurale do të referohen Prokurorisë së Rrethit Gjyqësor Lezhë për veprat penale ” Prodhim dhe shitje e lëndëve narkotike” ” Prodhim dhe mbajtje pa leje e armëve sportive” parashikuar nga nenet 283/1 dhe 280 të Kodit Penal në ngarkim të shtetasit Kristian Gjonikaj dhe Prokurorisë së Rrethit Gjyqësor Kurbin në ngarkim të shtetasit Bruneto Çela për vepren penale ” Prodhim dhe shitje e lëndëve narkotike ” parashikuar nga neni 283/1 i Kodit Penal./a.m.
