E gjithë bota po flet për rekordin e vendosur nga Robert Lewandowsk-it, i cili të martën në mbrëmje shënoi 5 gola brenda 9 minutash, në fillimin e pjesës së dytë kundër Wolfsburgut.
I futur në pushim, sulmuesi polak shënoi 5 gola duke e prekur vetëm 9 herë topin, mirëpo u kërkua rekordi i mëparshëm i golave të shënuar në një periudhë kaq të shkurtër nga një lojtar dhe për momentin zbulohet se në Evropë një rekord e ka pasur një sulmues shqiptar.
Bëhet fjalë për Arben Nuhijin, shqiptarin nga Maqedonia që ka luajtur edhe me Elbasanin në fundin e karrierës, përveçse ka luajtur me kombëtaren maqedonase, Shkëndijën e Tetovës, Beverenin në Belgjikë e disa klube tjera, transmeton sportal.
Në sezonin 2009-2010, kur aktivizohej në Belgjikë, Nuhiji shënoi 4 gola në fitoren 4-0 që Bevereni arriti ndaj Uesterlos, në minutat 70, 73, 79 e 83. Dhjetë minuta, 4 gola, një arritje për t’u mbajtur mend gjithë jetën, e vendosur në 8 dhjetor 1999, që tashmë është kaluar nga Lewandowski.
