VLORE – Një person është arrestuar në flagrancë pasi qarkullonte nëpër qytet me armë zjarri. Në prangat e policisë ka rënë Ilir Birçaj, 49 vjeç, banues në Vlorë.
Nga kontrolli fizik që iu bë, u gjet dhe sekuestrua në çantën personale të tij një armë zjarri Pistoletë tip TT model 54, 1 krëhër i mbushur me 7 fishekë të kalibrit 7.62 mm.
Nga hetimet e kryera, rezulton se ky shtetas është person me precedent penal për të njëjtën vepër penale (armëmbajtje pa leje) si dhe për kundërshtimin e punonjësit të policisë.
Materialet iu referuan Prokurorisë për veprën penale “Mbajtja pa leje dhe prodhimi i armëve, armëve shërthyese dhe municionit” parashikuar nga neni 278/1 i Kodit Penal.
a.ç
