Një person ka përfunduar në prangat e policisë së Korçës pasi qarkullonte nëpër qytet me armë zjarri në brez. Burime policore bëjnë me dije se në pranga është vënë shtetasi I.Q. 28 vjeç.
Shërbimet e Komisariatit të Policisë Korçë, kanë lokalizuar në lagjen nr.17, 28 vjeçarin, me automjetin tip “Mercedes Benz”, të cilin e kanë ndaluar për të ushtruar kontroll ndaj tij dhe mjetit që ky shtetas drejtonte.
Gjatë kontrollit fizik të ushtruar ndaj të riut, Policia i gjeti në brez, një armë zjarri pistoletë me fishekë, të cilat i posedonte pa lejen e organeve përkatëse.
Shtetasi I.Q, u arrestua në flagrancë për veprën penale “Mbajtja pa leje dhe prodhimi i armëve, armëve shpërthyese e municionit” dhe materialet për veprime të mëtejshme i kaluan Prokurorisë pranë Gjykatës së Shkallës së Parë Korçë.”
/a.r
