Policia e Shkodrës ka vënë në pranga një 25-vjeçar, i cili lëvizte me armë zjarri pa leje nëpër qytet.
Në pranga ka rënë i riu L. M. nga Forcat Speciale “Shqiponja”, pasi gjatë kontrollit i është gjetur dhe sekuestruar pistoleta tip TT.
Njoftimi i policisë:
Goditet një tjetër rast i armëmbajtjes pa leje. Qarkullonte me armë zjarri vihet në pranga 25 vjeçari. Sekuestrohet një armë zjarri, pistoletë.
Nga shërbimet e Forcës së Posaçme “Shqiponja” në zbatim të planit të masave për parandalimin e ngjarjeve kriminale dhe në bazë të informacioneve të marra në rrugë operative kapet dhe arrestohet në flagrancë shtetasi L. M, 25 vjeç, banues në Shkodër.
Arrestimi I tij u bë pasi Forca Posaçme “Shqiponja” kanë bërë ndalimin e tij i cili udhëtonte me motorr dhe gjatë kontrollit të ushtruar ju gjet dhe ju sekuestrua në cilësinë e provës materiale një armë zjarr, pistoletë tip TT.
Materialet iu referuan Prokurorisë së Rrethit Gjyqësor Shkodër për veprën penale “Mbajtja pa leje dhe prodhimi i armëve, armëve shpërthyese dhe i municionit” parashikuar nga neni 278 i Kodit Penal./l.m
