Hasan Ahmetaj është drejtori i ri i Drejtorisë së Policisë së Beratit. Ahmetaj në këtë post do të zëvendësojë Artion Dukën, i cili u emërua në krye të Drejtorisë së Policisë së Qarkut Vlorë. Hasan Ahmetaj ka një karrierë të gjatë në Policinë e Shtetit, pasi ka mbajtur disa poste të rëndësishme në qarqe si drejtues, por edhe në drejtorinë qendrore. Ai ka qenë Drejtor i Përgjithshëm i Policisë së Shtetit në vitin e vështirë 1997, Drejtor i Përgjithshëm i Policisë së Burgjeve në 1998, drejtor i Policisë së Beratit në 1998-1999.
Kreu i ri i Drejtorisë së Policisë së Beratit së fundmi ka ushtruar detyrën e drejtorit të Forcave Operacionale të Lëvizshme për Rendin dhe Sigurinë Publike në Drejtorinë e Përgjithshme të Policisë së Shtetit.
/a.meta
