Kryeministri Edi Rama ka propozuar emrin e ish-kreut të SHISH Visho Ajazil Lika për postin e ambasadorit në NATO.
Propozimi i është përcjellë presidentit Ilir Meta dhe vjen vetëm pak ditë pasi Visho Ajazi Lika dha dorëheqjen nga drejtimi i SHISH.
Largimi i tij solli reagime të shumta nga ana e palëve politike, sidomos atyre të opozitës që e vlerësuan dorëheqjen e tij si një vendim përballë presioneve nga kryeministri Rama.
Ky qëndrim përforcohej edhe me faktin se Visho Ajazli Lika është emëruar në krye të SHISH kur në pushtet ishte PD. Po ashtu, ai ka qenë pjesë e kësaj strukture në kohën kur SHISH drejtohej nga Bashkim Gazidede.
Kur erdhën në pushtet socialistët kryen edhe një monitorim në SHISH për respektimin e dtyeirmeve ligjore nga kjo strukturë. Vendimi erdhi pasi pak pas ardhjes në pushtet të PS, Visho Lika udhëzonte vartësit të verifikonin veprimtairnë e krerëve të policisë. Aso kohe mazhoranca ngriti një grup kontrolli që kru verifikime në SHISH.
Tashmë, propozimi ka mbërritur në tryezën e presidentit Meta. Ky i fundit, më herët është shprehur se i kishte dhënë mbështetje Visho Ajazit për të qëndruar në postin e kreut të SHISH “por njerëz me zor në detyrë nuk mund të mbajmë”, do të shrpehej Meta, referuar faktit se largimi vinte përmes dorëheqjes nga vetë Lika./a.m.
