‘Shqipëria voton si BE-ja‘. Kështu deklaroi kryeministri Rama i pyetur në lidhje me votën për Jeruzalemin në OKB. I pyetur nëse Shqipëria zgjodhi Turqinë në vend të SHBA, Rama u përgjigj më një pyetje tjetër; Mos vallë Britania e Madhe zgjodhi Turqinë dhe braktisi Amerikën?
Vota në OKB, a zgjodhi Shqipëria mes Turqisë dhe Amerikës?
“Mos vallë Britania e Madhe zgjodhi Turqinë dhe brakstisi Amerikën. Edhe Japonia ka votuar si ne. Mos vallë edhe kjo doli kundër Amerikës. Nuk e kuptoj këtë pyetje” deklaroi Rama
Si e komentoni letrën e Presidentit?
“Meqë na bëtë qendrën e botës me ndihmën e presdentit tonë dhe unë po flas nga qendra e botës se kështu erdhi kjo punë. Që jemi në një katund politik dhe mediatik e dimë të gjithë. Këtë e vërteton ky debat idiot në katundin tonë.
Kemi mbajtur qëndrimin që Shqipëria ka mbajtur para se ne të vinim në qeveri. Zgjedhja e
Shqipërisë ishte racionale, Shqipëria voton si BE-ja. Edhe në 2012 Shqipëria votoi kundër SHBA. Ç’ështjë kjo idiotësi. Vendet që nuk i qëndruan linjës së BE e kanë bërë për arsye të tyre. Ka vende në BE që bëjnë politikë kundër BE dhe kanë konflikte me BE, ne nuk jemi prej atyre. E kam të qartë se sa e madhe është Shqipëria në hartën e botës.
Ne jemi një vend shumë i vogël dhe kemi disa pozicione që besoj janë pozicione dinjitoze dhe ky është pozicion dinjitoz. Ndërsa këto reagime janë reagime prej politikanësh qesharakë, kapedanësh katundit që u duket vetja se mbajnë botën në kurriz dhe bota i shikon.
Lexoni “Vitin e Mbrapshtë” të Kadaresë. Aty i keni të gjithë. Merrini, shikojini i keni aty, si i merrnin monopatat për t’i hapur luftë botës dhe pasi deheshin mendonin se kishin fituar“, tha shefi i qeverisë
javanews.al/a.ç
