Lojtarët kanë mënyra të ndryshme për të festuar rekordet e tyre personale dhe një krejtësisht të veçantë e ka portieri i Juventusit, Gianluigi Buffon.
Ai dje theu rekordin për më shumë minuta në Serie A, pa pranuar gol gjithsejt 974 minuta.
Për këtë ai ka vendosur që t’i shkruaj një letër golit, duke e ditur se kurrë nuk do të marrë një përgjigje.
Më poshtë mund të lexoni të plotë letrën e portierit italian:
“Ish 12 vjeçar kur vendosa ta ktheja shpinën, për të ta garantuar një të ardhme të sigurt. E bëra me zemër, e bëra me instinkt. Por, dita që ndalova duke të shikuar ishte dita kur fillova të te dua. Të te mbroj, të jem linja e parë dhe e fundit e mbrojtjes tënde.
“I premtova vetes që do të bëjë gjithçka që të mos shoh në fytyrë sërish, ose do ta bëja sa më pak të ishte e mundshme. Ishte e dhimbshme sa herë që e bëja, të shihja dhe e kuptoja se të kam dëshpëruar. Sërish dhe sërish.
Ne kemi qenë gjithmonë të ndryshëm, por ende edhe sot jemi komplementarë sikurse dielli dhe hëna. Të detyruar për të jetuar pranë njëri tjetrit, por pa qenë ë gjendje të prekim njëri tjetrin. Shokë skuadre për jetë, një jetë e cila na ka mohuar çdo kontakt.
Më shumë se 25 vite më parë e bëra betimin tim: U betova që do të mbrojë ty. Të kujdesem për ty. Të jem mburojë kundër çdo armiku tënd. Unë kam menduar gjithmonë për mirëqenien tende, duke e vendosur para times.
Isha 12 vjeçar kur ia ktheva shpinën golit tim. Dhe do të vazhdojë aq sa më lejojnë këmbët, koka dhe zemra ime të te ndjek”.
