Kokaina 80 përqind e pastër kishte si destinacion një nga vendet Skandinave. Policia arrestoi 5 persona, dënimi për të cilët është nga 15 vite burg secili.
Në vendin Balltik është sekuestruar 2 ton kokainë, sasia më e madhe e drogës e kapur ndonjëherë nga autoritetet letoneze. Gjatë operacionit policor janë sekuestruar kokainë 80 % të pastër të vendosur në 42 kuti bananesh. Në pranga kanë rënë 5 persona të cilët janë dënuar me nga 15 vite burg secili.
“ 2195 paketime me kokainë u konfiskuan. Kokaina kap vlerën e 65 milion eurove por nëse do të mund të arrinte në destinacion mund të shkonte dhe një milliard euro.”- është shprehur Grisin.
Kokaina, shton ai, vinte nga Ekuadori dhe kishte me siguri një vend tjetër si destinacion, me siguri një nga vendet Skandinave në të cilat droga arrin kulmin e çmimit. Shqiptarja.com
