Shkrimtari hungarez, Imre Kertesz, autor i romanit të famshëm “Të jesh pa fat” dhe fitues i çmimit Nobel për Letërsinë në vitin 2002, vdiq sot në moshën 86-vjeçare, njoftoi agjencia zyrtare hungareze e lajmeve, MTI. ”Imre Kertesz vdiq në shtëpinë e tij në Budapest pas një sëmundjeje të gjatë”, tha Krisztian Nyary, drejtor i shtëpisë botuese ”Magveto”.
Ky hebre i mbijetuar nga kampet naziste të përqendrimit, ishte i pari autor i hungarishtes i vlerësuar me çmimin Nobel.
Drejtori i Magveto Publishing, Krisztian Nyary, i tha AFP-së se “Ai ishte një nga shkrimtarët me ndikim më të madh në shekullin e 20-të në jetën e hungarezëve, jo vetëm me anë të veprave të tij, por me anë të mendimeve dhe botëkuptimit të tij. Ai do të mbetet një shembull i jashtëzakonshëm për autorët e tjerë në vitet që do të vijnë,” tha Nyary.
Në një intervistë në vitin 2013, Kertesz zbuloi se ai kishte sëmundjen e Parkinsonit. Ai rridhte nga një familje hebreje. Kertesz u lind më 29 nëntor, 1929 në Budapest. Në moshën 14-vjeçare ai u deportua në kampin e përqendrimit Aushvic, përpara se të dërgohet në Buchenwald.
Pas shpërbërjes së kampeve, Kertesz u kthye në kryeqytetin hungarez, ku ai filloi nisi të punojë si gazetar në një gazetë ditore në vitin 1948. Holokausti mbeti një nga tema qendrore në disa nga veprat e tij më të njohura, duke përfshirë edhe romanin e tij të parë “Fatelessness”.
Ky roman që u botua në vitin 1975, përshkruan historinë dhe përvojat e një djali pesëmbëdhjetë vjeçar në kampet e përqendrimit të Aushvicit, Buchenëald dhe Zeitz.
Edhe pse disa e kanë interpretuar librin si gjysmë-autobiografik, autori gjithmonë e ka mohuar lidhje e fortë biografike me subjektin e romanit (Shqiptarja.com).
