Kina u përpoq të mashtrojë qeveritë e huaja në vitin 2024 duke e paraqitur si të parëndësishëm një test rakete me kapacitet bërthamor mbi Oqeanin Paqësor, sipas dokumenteve të diplomatëve të Zelandës së Re që i ka siguruar AFP.
Në shtator 2024, Forca Raketore e Kinës lëshoi një raketë provë që ra në det, duke shqetësuar shumë vende në Paqësorin Jugor.
Dokumentet e qeverisë së Zelandës së Re tregojnë se ata ishin shumë të shqetësuar për këtë lëvizje, të cilën Kina e quajti “test rutinë”. Por Zelanda e Re theksoi se Kina nuk kishte bërë një test të tillë në më shumë se 40 vjet.
Kina e minimizoi testin, duke thënë se ishte pjesë e stërvitjeve normale ushtarake. Por diplomatët e Zelandës së Re, në mënyrë private, e kundërshtuan këtë version, duke e quajtur një zhvillim serioz dhe shqetësues.
Ky ishte testi i parë i një rakete të tillë me rreze të gjatë në ujëra ndërkombëtare që nga vitet 1980. Rrjedhimisht, vendet e Paqësorit u ndjenë të kërcënuara, sepse shumë prej tyre kanë vuajtur nga testet bërthamore në të kaluarën.
Raketa ra në një zonë që prej vitit 1986 është shpallur si zonë pa armë bërthamore. Ky veprim shkaktoi reagime nga vende të ndryshme:
Edhe pse Kina e kishte njoftuar SHBA-në, Britaninë, Francën, Australinë dhe Zelandën e Re një natë para testit, vendet e vogla të Paqësorit nuk morën asnjë paralajmërim.
Sipas ekspertëve, testi ishte një sinjal i qartë se Kina ka një forcë të besueshme bërthamore dhe se dëshiron të tregojë që është në të njëjtin nivel me SHBA-në, jo vetëm ekonomikisht, por edhe ushtarakisht.
Megjithatë, Ministria e Jashtme e Kinës deklaroi se “nuk ka pasur mashtrim” dhe se testi ishte “në përputhje me ligjin ndërkombëtar”.
