Pas publikimit të nominimeve për çmimin prestigjioz Oscar kanë nisur shakatë me një nga aktorët favoritë Leonardo DiCaprio. DiCaprio, që kurrë s’ka fituar një çmim të tillë pavarësisht se pesë herë ishte i nominuar, synon që me rolin në “The Revenant” të marrë çmimin e shumëkërkuar. “The Revenant” ka marrë 12 nominime, ndërsa DiCaprio është i nominuar për Aktorin më të mirë. Faqja HelloU në Facebook ka krijuar një video në të cilën bëhet shaka me aktorin 41-vjeçar se kinse sërish nuk do të fitojë çmimin, por këtë herë historia është më e veçantë. Aty shihet se fillimisht çmimi ndahet për DiCaprion, por më pas del se kjo ishte shpallje e bërë gabim, siç kishte ndodhur ditë më parë në garën për Miss Universe.
