Kryeminisitri Edi Rama ka zhvilluar sot një vizitë në QSUT. Kreu i qeverisë deklaroi se tashmë lentet e syrit janë falas për pacientet. Rama tha se sigurisht që shëndetësia ka halle, por sipas tij, ndryshimi është epokal.
“Lentet janë falas, ndryshe do u shkonte 350 dollarë një sy, 700 dollarë gjithsej“, tha kryeministri.
Kreu i qeverisë vizitoi edhe disa nga pacientet, ku nuk munguan batutat.
Rama: Spitali është i poshtër kur e sheh nga larg
Pacienti 1: Po po
Rama: Po dolem në Tv do thonë ky është i FRESSH
Pacienti 2: Të thonë ç’të duan
Rama: Ju trajtuan mirë? Ju morën lekë
Pacienti 3: Jo Jo
Qendra spitalore universitare “Nënë Tereza” do të ketë së shpejti një depo të re farmaceutike, investim i qeverisë shqiptare prej 18 milionë euro. Depoja farmaceutike është një investim jetik për garantimin e sigurinë më të lartë dhe një shërbimi cilësor farmaceutik. Në kantierin e punimeve, ishte Kryeministri Edi Rama, i shoqëruar nga ministrja e Shëndetësisë Ogerta Manastirliu.
“Do ketë 7 dhoma frigoriferike, me të gjitha kushtet optimale që duhan për barnat që vijnë. Ka një magazinë të madhe për të gjithë pjesën e serumeve dhe të gjithë elementëve të tjerë. Çdo bar që futet në QSUT është i skanuar me një barkod dhe gjithashtu kur del, deri sa shkon tek pacienti, gjithashtu me barkodin e vet. Është një investim, i cili siguron dhe garanton cilësi,” – tha ministrja Manastirliu, duke theksuar se çdo vit blihen 18 milionë euro barna dhe pasja një depoje me standarde të larta ishte një domosdoshmëri.
Mes tjerash, Rama u shpreh se në spitalet e vendit ka mjekë dhe infermiere të devotshme, por nuk përjashtoi faktin se ka edhe nga ata të cilët siç theksoi Kryeministri na “turpërojnë”.
Kryeministri Rama vlerësoi e mbështeti punën e mjekeve në sistemin spitalor të vendit. “Këtu dhe në spitalet në tërësi ka mjekë fantastikë dhe infermierë shumë të devotshëm, kuptohet, ka edhe nga ata që na turpërojnë, por e vërteta është që unë e kam parë me shumë njerëz që kalojnë nga spitali, që ndryshojnë mendim kur bëjnë shërbimin, se presin keq dhe ju del mirë,” – u shpreh Kryeministri.
Javanews/a.cupaj
