Nga Ylli Pata
Ishte një ngjarje politikisht interesante deklarata video e Sali Berishës nga Gjermania. Kur në një nga mjediset e pallatit ku zhvillohej kongresi i CDU sulmonte Edi Ramën se po përdorte një gjuhë ofensive ndaj opozitës.
Ishte realisht e paparë deri tani një mënyrë kaq alla perëndimore e doktorit, që nga ujk u kthye në qengj, duke bër t ditur se ishte trnditur rëndë nga gjuha e Edi Ramës, i cili e kishte quajtur atë buf dhe partinë e tij një kënetë. Kurse mbështetësit e tij zhaba të kënetës.
Një militant i së majtës me shumë gjasa do të jetë suprizuar shumë, ndërsa një koleg i tij i PD-së, pra fans i doktorit, mund të jetë gjithashtu tronditur.
Ç’po ndodh që doktor Berisha përdor fjalë me edukatë nga Berlini, si ajo barzaleta e famshme në Shkodër, kur një mjek të stadium, në mes të tribunës për karshi thërret: “Arbitër, mor mozerje”. Dhe e gjith turma që nuk ka lënë familjarë të arbitrit pa sharë, i duket se doktori është më i paeduluar sepse po prish korin.
Edi Rama, në një mesazh në rrjetet sociale tregoi se ishte shqetësuar nga ky mesazh i doktorit, ndaj bëri një disgresion, duke kujtuar se ai ka përdorur metafora, ndërsa Berisha ka përdorur të gjithë librin e shtëpisë.
Ai mesazh i Ramës, tregonte se mazhoranca nuk do të rriste tonin e konfliktit e do të vazhdonte të mos e sulmonte Berishën dhe shokët e tij.
Ndërkaq, nga ana tjetër, ka mjaft ditë kur nuk kemi deklarata agresive. Duket sikur po bën pushim edhe Gaz Bardhi! More po çfarë po ndodh?
Po ndodh një gjë e mirë fare, po fare fare. Sali Berisha, duket e ka ndarë mendjen që në fushatën e 11 majit të bëjë një fushatë positive, pasi me negative vetëm ka humbur pikë. Dikush i huaj i ka thënë që provoje njherë se ka gjasa nuk humb mbështetës, po fitove qarë e ke.
Ishalla vijon se kemi përpara një situatë të paparë deri më sot, afërsisht si 2005-a, kur demokratët putheshin me të gjithë, me socialistët në radhë të parë. Dhe se kishin problem fare, madje siç i kishte trajnuar Majlinda Bregu, duhet vetëm t qeshnin sepse kështu quhet “American vvay”.
Ore të ndodhë çfarë të ndodhë, por një Berishë qengj e të mos shajë të paktën një javë është një eksperiment i fortë. Por do ja dalin të tijët në panele?
