Në tregun e këmbimit valutor vendas, monedha e përbashkët europiane ka shënuar sërish një rënie të fortë të enjten në tregun e brendshëm valutor, duke zbritur nën vlerën e 136 lekëve dhe duke shënuar nivelin më të ulët që nga fillimi i këtij viti.
Sipas kursit zyrtar të Bankës së Shqipërisë, një euro u këmbye me 135.85 lekë, 0.23 lekë më pak se një ditë më parë. Pozitat i ka lëkundur edhe dollari amerikan që sot këmbehet me 127.53 lekë ose 0,03 leke më pak se një ditë më parë.
Aktorët e tregut shprehen se, ndikim kryesor ka dhënë rënia e euros në tregun ndërkombëtar. Një euro u këmbye me $1.0660 EUR=, duke rënë me 0.2%.
Nga faktorët e brendshëm, që po ndikojnë në dobësinë e monedhës së përbashkët, aktorët e tregut renditin ofertën e lartë për valutë në treg, kërkesën e dobët të bizneseve.
Në të njëjtën periudhë të një vit më parë, një euro këmbehej me 138.5 lekë. /b.d
