Një ditë pasi kryeministri Edi Rama paralajmëroi nisjen e aksionit për prishjen e ndërtimeve pa leje dhe ndëshkimin e atyre që shkelin ligjin, në Dibër ka nisur hetimi për 4 punonjës të IKMT.
Sipas policisë, këta zyrtare kanë lejuar qytetarët që të ndërtonin pa leje.
Kështu policia thotë se “janë referuar materialet në prokurori për E.Xh., 37 vjeç, me detyrë Kryeinspektor pranë Inspektoriatit Vendor të Mbrojtjes së Territorit, Bashkia Dibër. J.O., 32 vjeç; F.R., 33 vjeç; SH.I., 51 vjeç, të tre me detyrë Inspektor pranë Inspektoriatit Vendor të Mbrojtjes së Territorit, Bashkia Dibër”
Procedimi penal ndaj tyre ka filluar pasi dyshohet se kanë konsumuar elemente të veprës penale “Shpërdorimi i detyrës”, pasi duke mos kryer detyrat e tyre funksionale për inspektimin dhe mbrojtjen e territorit nga ndërtimet e kundraligjshme, kanë lejuar qytetarë që të kryenin ndërtime pa leje në territorin e Bashkisë Dibër.
g.kosovari
