SHÇBA arreston punonjësin e policisë në Shkodër, për korrupsion pasiv.
Sot më datë 03.12.2015 u zbatua urdhri i Prokurorit për ekzekutimin e vendimit penal të Gjykatës së Rrethit Gjyqësor Shkodër me masën e sigurimit personal “Arrest në burg” për punonjësin e policisë N/Komisar Ardian Çuli, për veprën penale të “Korrupsionit pasiv nga persona që ushtrojnë funksione publike”, parashikuar nga neni 259 i Kodit Penal.
Arrestimi i punonjësit të policisë Çuli u krye si rezultat i një hetimi 2 mujor nga SHÇBA (Shërbimi për Çështjet e Brendshme dhe Ankesat), në MPB, në bashkëpunim me njësinë Task-Forcë të Prokurorisë pranë Gjykatës së Shkallës së Parë Shkodër, në funksion të një procedimi penal rregjistruar në vitin 2015.
Hetimet kanë provuar se në disa raste, duke shpërdoruar detyrën, oficeri i policisë lejonte kundrejt përfitimit, shtetas të ndryshëm të prisnin dhe tregëtonin drurët e pyjeve në mënyrë të kundraligjshme.
