Nga skuadra kampione, Leicesteri është rikthyer në një skuadër që po lufton për mbijetesë
Ishte N’Golo Kante ai që e shpalli kampion Leicesterin (i cili gjatë verës u transferua te Chelsea), apo lojtarët aktual janë të vetëkënaqur me atë që arritën edicionin e kaluar dhe tani po bëjnë paraqitje zhgënjyese? Nga skuadra kampione, Leicesteri është rikthyer në një skuadër që po lufton për mbijetesë, shkruan Gazeta Express.
Pavarësisht se në skuadër janë lojtarët që kishte edicionin e kaluar si: Ëes Morgan e Robert Huth që ishin ankth për çdo sulmues, Jamie Vardy e Riyad Mahrez që gjenin golin pa ndërprerë, këtë edicion janë zhgënjyes (Vardy pesë gola, Mahrez tre gola – edicionin kur u shpallën kampion Vardy realizoi 24 gola, Mahrez 17 gola).
Gjatë ditës së diele, Leicesteri pësoi humbjen e 14’të në vetëm 25 xhiro deri më tani këtë edicion në Premierligë, duke u renditur kështu në pozitën e 17’të, vetëm një pikë larg zonës së rrezikshme.
Madje, kanë kaluar 10 orë që kur Leicesteri realizoi të paktën një gol, qoftë në humbje, barazim apo fitore. Për herë të fundit e bën këtë më 31 dhjetor të vitit të kaluar, përcjell Express.
Pavarësisht sezonit dëshpërues, Claudio Ranieri thotë se është i duhuri për Leicesterin dhe se nuk do të largohet nga klubi me të cilin shkroi histori. Trajneri italian thotë se lojtarët nuk kanë humbur besimin dhe se të gjithë duan të reagojnë dhe të bëjnë diçka të bukur për pjesën e mbetur të sezonit.
Tashmë është e sigurt, Leicesteri po lufton për mbijetesë dhe duke parë formën nëpër të cilën po kalon, duhet të djersiten shumë për të arritur këtë objektiv. Do të ishte fatale që kampioni të bie menjëherë në Championship (Ligën e Dytë), transmeton Gazeta Express.
Është kthyer në realitet Leicester City, kampioni i Premierligës për vitin 2016, apo është zyrtarisht në krizë?, citohet Express. (b.an)
