Drejtoria e Përgjithshme e Shërbimit të Transportit Rrugor (DPSHTRR) ofron një tjetër risi e lehtësi në shërbimet për qytetarët.
Duke filluar nga data 14 tetor 2019 , çdo pagesë për Vërtetimin nga Regjistri i Barrës Siguruese (RBS) do të kryhet direkt në arkat dhe sportelet e DPSHTRR duke reduktuar kështu radhët në banka dhe komisionet ekstra të pagesës në 150 deri 300 lekë që kërkonin bankat.
DPSHTRR dakordësoi me RBS që komisioni për këtë shërbim (5% të shkojë për arkën e DPSHTRR) nuk do t’i shtohet më qytetarit por do mbahet brenda tarifës zyrtare prej 1400 lekë.
Nga lehtësitë e këtij shërbimi përfitojnë mbi 20 mijë raste/vit, njofton DPSHTRR.
/a.r
