Guti do ta dëshironte Neymarin në Madrid, por vetëm nëse qëndrojnë të dy; ai dhe Ronaldo – diçka që e pranon se është e vështirë. Legjenda e Real Madridit, José María Gutiérrez Hernández i njohur si Guti, i ftuar në emisionin “El Chiringuito de Jugones”, ka folur për largimin e mundshëm të Cristiano Ronaldos nga “Santiago Bernabeu” si dhe transferimin e mundshëm të dyshes; Neymar (PSG) e Robert Lewandowski (Bayern Munich).
“Nëse luajnë dytë bashkë, po, jam që Neymari të vijë, por jo që Ronaldo të largohet. Është e vështirë, se janë dy të mrekullueshëm, është e komplikuar të luajnë së bashku”, u shpreh fillimisht Guti. “A e imagjinoni Ronaldon jashtë Real Madridit?
Jo nuk e imagjinoj, nuk e imagjinoj – do të ishte një gabim i madh”. “Ai po tregon se është shumë i rëndësishëm për Realin. Edhe pse i ka 33 vjet, ai po dëshmon se është shumë vendimtar dhe fiziku i tij ia lejon që të luajë në këtë nivel edhe për disa vite”, shtoi mes tjerash legjenda e Los Blancos.
Guti në “El Chiringuito de Jugones” foli edhe për sulmuesin e Bayern Muncih, Robert Lewandowski, për të cilin thotë se nuk është i duhuri për Real Madridin.
“Leëandoëski nuk është në nivelin e Real Madridit”, tha ai, përgatiti ”Gazeta Express”. (b.an)
