Deputeti Lefter Maliqi i është bashkuar thirrjeve të Sali Berishës për protesta kundër qeverisë Rama. Ai thotë se pas kësaj situate të vështirë që po kalon vendi duhet revolucioni demokratik.
Në një postim në Facebook, Maliqi thotë se njerëzit e ndershëm duhet të ngrihen dhe se ai do të jetë pranë tyre.
“Rend o Rend o Maratonomak
Rend dhe u thuaj se durimi ka kufij, ai ka kohë që ka përfunduar. Zemra e burrërisë shqiptare po vibron për revansh ndaj atij që e nëpërkëmbi. Panikut, terrorit, nënshtrimit, përbuzjes, mashtrimit, varfërisë, krimit, shpopullimit, korrupsionit, aktrimit po i vjen fundi.
Të dashur socialistë të zhgënjyer, demokratë, opozitarë dhe qytetarë, pas kësaj situate të vështirë që po kaloni duhet ringritje për drejtësi, për demokraci, për liri. Unë do jem me ju, njëri prej jush. Qeveria dhe Parlamenti janë tuajat, na qeverisni ju me fuqinë tuaj te zemrës dhe votës. Zbrazini nga hajdutët, të korruptuarit, analfabetët, të ligët dhe i mbushni me intelektualë, profesionistë, të ndershëm.
Dezifektoni Kryeministrinë, Parlamentin, Institucionet, Bashkitë. Fuqia juaj mposht çdo armik të dukshëm dhe të padukshëm. Revolucioni Demokratik është domosdoshmëri”, shkruan Maliqi. /e.s/
Paska folur perseri ky k***?