Ish-ministri i mjedisit Lefer Koka i proceduar dhe akuzuar nga SPAK për dosjet e inceneratorëve mund të lirohet nga qelia.
A2 CNN mëson se Koka ka depozituar një kërkesë në GJKKO për lirim të menjëhershëm dhe shuarje mase sigurie duke pretenduar se ka kaluar afati 3-vjeçar i paraburgimit për inceneratorin e Fierit.
Për këtë kërkesë të mbrojtësve të Kokës bazuar në nenin 263 pika 6/C e kodit të procedurës penale, GJKKO ka shtyre vendimmarrjen më 24 tetor.
Rezulton se ish-ministri në korrik të këtij viti ka fituar të drejtën e lirimit me kusht nga Gjykata e Durrësit për inceneratorin e Elbasanit ku u dënua me 6 vite e 8 muaj burg me gjykim të shkurtuar.
Në vendimin e gjyqtarit të Durrësit, Xhevdet Lika thuhet se për pjesën e mbetur të dënimit, Koka duhet të mbaje kontakte me shërbimin e provës dhe të mos kryejë vepra të tjera penale.
Por Koka është dënuar edhe për dy dosjet e tjera të inceneratorëve, Fierin (që u kthye për rigjykim në Apelin e GJKKO nga Gjykata e Lartë) dhe inceneratorin e Tiranës ( i cili s’ka marrë formë të prerë).
Për Fierin në shkallen e parë të GJKKO Lefter Koka është dënuar me 6.8 vite burg, ndërsa për Tiranën me 2 vite burg me gjykim të shkurtuar.
Për Tiranën, Koka pretendon se e ka ezauruar dënimin, me kohen e qëndrimit në paraburgim referuar edhe nenit 261 të Kodit të Procedurës penale pika 1/C, që parashikon shuarjen e masës së sigurisë.
