Këngëtarja e mirënjohur Ledina Çelo, në shenjë kujtimit për nënë e saj e cila nuk jeton më, ka postuar një sërë vargjesh dhe fjalësh prekëse. Çelo ka kujtuar ditëlindjen e nënës së saj, teksa e falenderon atë për këshillat dhe gjithcka ajo ka bërë për të.
Me poshte publikohen vargjet prekëse që ajo ja dedikon nënës:
“Më mungon shumë nëna ime e shtrenjtë! Ti sot ke ditëlindjen, e unë ta dedikoj ty mbretëresha ime atë çka jam unë sot. Kam kohë që nuk e dëgjoj zërin tënd të ngrohtë, këshillat e tua të vyera, kur vija kokën në prehërin tënd, e kjo me jep trishtim…! Jam e lumtur që ëngjëllit, vajzës sime i kam dhënë emrin tënd, e me duket se je e pranishme ore e cast pranë nesh. Jam e lumtur që u linda u rrita e u edukova nga një mbretëreshë si ty nëna ime e dashur, që më dhe virtytet më të mira e pozitive, që gjërat negative që ekzistojnë në këtë botë, mi përktheve në dashuri, e përbuzjen e të keqen, në mirësi. Të falenderoj nga thellësia e zemrës për atë që më transmetove e për atë që unë jam. Të dua shumë nëna ime e shtrenjtë…”
